現年67歲、前商台主持蘇施黃（阿蘇），早年曾戰勝乳癌，於上年10月忽然透過YouTube個人頻道，親證自己患有第三期大腸癌。據了解，她在9月底已接受腫瘤切割手術，亦出院回家休養，11月展開化療治療，最近到醫院完成第4次化療後，再服14日的化療口服藥，終於完成整個療程。
樂觀面對抗癌路的蘇施黃，不時分享治療點滴，鼓勵同路人。下周迎來68歲生日的她，前日（5日）在其社交平台分享《大慶祝！大家百毒不侵！》，在家中由好友見證下，完成最後一次化療治療後，最後一次口服化療藥的時刻。她在片中亦分享，最後一次入院接受化療打針的過程紀錄。「第1次OK，包括口服都冇乜嘢特別，但第7次就最慘，入醫院住咗7日，前後總共屙嘔咗11日，入院前134磅，出院124磅，金小姐（金燕玲）都驚。」幸好出院後體重已回升，保持進食後，現有132磅。
有見於經歷第二次療程的反應，蘇施黃在接受第3次療程時，就算停口服藥後，仍繼續服用止嘔藥，誰知卻出現其他副作用。「做完第3次化療後，皮膚乾，其實醫生已跟我說過會影響到皮膚很敏感，一脫下衣服好似粉飛咁！隻腳摸落去『嚡烚烚』，好似打十字格，很核突。」
蘇施黃又指，以前有位朋友曾歷8次患上癌病，從對方身上體會了很多得著，例如朋友個人經驗「食標靶藥唔好直接放入口，用麵包夾住食唔會爛口」；亦深信一定要保持樂觀積極。「從來冇聽佢唉過半句，面上亦唔見佢忟憎，佢每次做完化療好番啲會煮吓嘢食，叫我哋上去食，呢啲態度要學，原因是甚麼呢？我成日話，你覺得自己病就係病，你覺得自己冇嘢就係冇嘢，呢樣要記住一件事。我好似朋友咁，好啲會煮吓嘢，又去打乒乓波」。
阿蘇曾於2005年患乳癌，後來戰勝癌魔，並成功由DJ轉型做飲食節目主持，近年更化身飲食界KOL，開設YouTube頻道「教煮蘇This is So good」分享飲食、生活見聞。日前她上載標題為《照腸結果出咗啦！》的新片，片中提到上月26日入院做檢查，最初因為屙血，情況就好如痔瘡，於是上月26日入院檢查，照心照肺照腸照胃，證實患癌後隨即接受手術。
阿蘇解釋：「星期三切割咗腸，大腸轉角位切咗15cm，嗰度有個腫瘤，側邊攞咗25粒淋巴，其中3粒有感染，醫生晨早已經話肯定唔係第一期，驗出嚟係大腸癌第三期，佢建議穩陣啲，做完手術後再PET Scan（正電子斷層掃描）檢查，睇吓有冇走去身體其他地方，骨、胸或者邊度。」「噚日臨出院前做檢查，結果冇擴散，依家係大腸癌第三期，已經切咗，做完手術嗰日昏昏忳忳，但精神，吊咗兩日鹽水，第三日要求唔要吊鹽水，我好鍾意食嘢……拔晒啲尿喉、鹽水喉進食。」
她又讚醫院飲食夠質素，直言全靠食物保持心境開朗：「開心到不得了，一個人當你食嘢覺得自己病就好病，但當你食嘢覺得同Normal（正常）人自然就變一個Normal人，我開咗刀，咁大個症，仍然笑口噬噬，臉色非常之好，最緊要心境開朗，全靠食物。」最後，她透露，下月將接受化療：「我依家仲有大考驗，因為仲要做化療，唔緊要，化療完又擦過，我啲朋友話化療前，先吃為敬；化療後，再吃為敬。」
家庭醫生劉俊彥曾擴文解釋，大腸癌成因眾多，例如「約有5%的大腸癌是遺傳性的，包括遺傳性非瘜肉性大腸癌和家族性腺瘤性瘜肉症。其餘大部份是沒有確定的成因，但有一些已知會增加大腸癌風險的因素，包括年齡（50歲以上）、性別（男性）、家族中有人患有大腸癌、曾患有大腸瘜肉、生活習慣等。其中可以改變的因素主要是飲食習慣，不少研究顯示過多肉類（尤其紅肉）的脂肪和蛋白以及缺乏蔬果等會增加患大腸癌風險」，還有肥胖跟大腸癌也有相關性。
大腸癌在病發初期可能沒有任何症狀。若能及早識別出癌症的症狀，有助提早診斷，並提高治癒的機會。大腸癌7大常見病徵[2]
預防大腸癌可從生活做起！[3]
Text：Fion圖片來源（部分）：蘇施黃fb、「教煮蘇This is So good」YouTube
延伸閱讀
